Góður sigur hjá Jón Bjarna og Sæmundi

Fyrsta rallið á þessu sumri fór fram í gær í hreint út sagt frábæru veðri. 19.áhafnir mættu til leiks en aðeins 10 komust alla leið. Baráttan um fyrsta sætið stóð á milli Jóns Bjarna og Sæmundar og hinsvegar Péturs og Heimis en þessar tvær áhafnir voru í algjörum sérflokki í þessu ralli.

Það sem kom undirrituðum soltið á óvart að báðar þessar áhafnir sem slógust um fyrsta sætið voru að bæta sig mikið frá því í fyrra, Jón og Sæmundur sigruðu 6.sérleiðar og Pétur og Heimir 4 en á einni leið voru þeir jafnir og það fór svo að Jón Bjarni og Sæmundur sigruðu rallið með 31.sekúndu og var þetta virkilega sætur sigur hjá þeim og þó sérstaklega fyrir Jón Bjarna því hann var með nýja aðstoðarökumann en það háð honum greinilega ekkert en menn voru búnir að spá því fyrir rallið að það myndi koma niðrá tímunum hjá þeim en það var nú öðru nær! og ég óska þeim til hamingju með sigur í fyrsta ralli sumarsins.

Pétur og Heimir lendu í 2.sæti í þessu ralli, það var ekki búist við þáttöku þeirra í sumar og líklega mæta þeir ekki í margar keppnir sem eftir er af þessu sumri, þeir sýndu það í þessu ralli að árangurinn í fyrra var engin tilviljun en þar lendu þeir í 2.sæti á Íslandsmótinu. Þeir voru að keyra mun hraðar í þessu ralli en í fyrra og til að mynda bættu þeir sinni persónulega tíma á Lyngdalsheiði í átt að Laugarvatni um 20.sekúndur og það er engin smá bæting hjá þeim félögum. Þeir félagar geta verið nokkuð sáttir með sitt í þessu ralli því það ráða fáir við Jón Bjarna í þessum ham sem hann var í gær.

Hilmar og Stefán á Hondu Civic sigruðu í 2000 flokki með flottum akstri, það var ótrúlegt að fylgjast með þeim því þeir voru með orginal fjöðrun og Hilmar hlífði bílnum hvergi þrátt fyrir það, þeir voru að taka fína tíma og þeir lendu í 4.sæti í heildarkeppninni og þetta er góður árangur hjá þeim og jafnvel hefðu þeir náð 3.sætinu með betri fjöðrun.

Júlíus og Eyjólfur sigruðu 1600 flokkinn á Honda Civic og verður sá flokkur mjög skemmtilegur í sumar. Júlíus og Eyjólfur óku vel í þessu ralli og hraði þeirra á bara eftir að aukast, undiriðaður var mjög hrifin af þeirra akstri allavega með við það sem hann sá, ef þeir undirbúa sig jafnvel fyrir næstu keppnir gætu þeir endað sem Íslandsmeistarar í haust en tíminn mun leiða það í ljós:-).

Eina kvenáhöfnin í þessu ralli Ásta og Tinna voru mættar í jeppaflokkinn og stóðu sig með miklum sóma!:-). Þessar sætu píur gerðu sér lítið fyrir og unnu jeppaflokkinn, þetta er fyrstu sigur þeirra í á þessum bleika fagra bíl og gaman væri að sjá þær í fleirum keppnum og halda áfram að stríða þessu köllum:-).

Því miður er ekki hjá því komist að rita um keppnishaldið en það var illa af því staðið í þessu ralli, ég geri mér FULLA grein fyrir því að þetta er allt í sjálfboðavinnu og allt starfsfólk á heiður skilið fyrir að vinna við þessar keppnir! EN þegar fólk er að bjóða sig fram í keppnisstjórn á það að gera það með betri árangri en í gær!.

Ég nefni fjögur dæmi það var eftir Tröllháls fyrri ferð að þegar undanfari kemur útaf leið eru engir tímaverðir og þeir verða því að taka bílana út, það er í sjálfu sér allt í lagi en þarna var öryggi keppanda í hættu því hver sem er hefði getað komist inn á leið. Dæmi 2 Bremsukafli eftir Hengil seinni ferð var svona 60 til 80 metrar en bílarnar koma á svona 180 til 200 km hraða yfir blindhæð, það munaði ekki miklu að fyrsti bíll hefði farið á tímavarða bílinn og það hefði endað illa!!, fyrsti bíll bendi á þetta að sjálfsögðu og því voru næstu bílar ekki í hættu, þetta koma tvisvar fyrir í rallinu með bremsukaflann hitt var á lyngdalsheiði fyrstu ferð. Dæmi 3 Seinkun á Gufunesi þónokkur en fyrsti bíll átti að ræsa 16:30 en það var ekki ræst fyrr en um 16:50. Dæmi 4 verðlaunafending var með mikilli niðurlægingu fyrir keppendur að annað eins hef ég ekki séð, það var drifið af að lesa upp hvernig rallið endaði og svo var endapunkturinn eftir því, bikararnir tíndust sem voru keyptir og þið fáið þá seinna og aðeins voru bikarar fyrir 1.sætið en medalía fyrir 2 og 3 sætið, þetta finnst mér lélegt en ég vona innilega að þetta verði MUN betra í næstu röllum. Ég endurtek að ALLT starfsfólk á heiður skilið að standa í þessari sjálfboðavinnu EN það má gagngrína sjálfboðavinnu.

Lokastaðan í rallinu

1. Jón Bjarni Hrólfsson Sæmundur Sæmundsson - 0:51:08
2. Pétur S. Pétursson Heimir Snær Jónsson - 0:51:39 
3. Páll Harðarson Aðalsteinn Símonarson - 0:58:18 
4. Hilmar Þráinsson Stefán Jónsson - 1:00:42 
5. Sigurður Óli Gunnarsson Elsa Sigurðardóttir - 1:03:12 
6. Aðalsteinn Jóhannsson Guðmundur Jóhannsson - 1:04:17 
7. Júlíus Ævarsson Eyjólfur Guðmundsson - 1:04:27 
8. Halldór Vilberg Ólafur Tryggvason - 1:04:53 
9. Ásta Sigurðardóttir Tinna Viðarsdóttir - 1.06:23 
10. Guðmundur Mckinstry Hörður Mckinstry - 1.17:14

Myndir: www.flickr.com/elvarorn .

Athugasemdir

[Akstursíþróttakappinn Daníel Sigurðarson, 19.5.2009 kl. 00:51]

Sæll minn kæri og þakka þér þá umfjöllun sem frá þér kemur :)

Það er engin nýlunda að fyrsti bíll þurfi að nauðhemla eftir komu af sérleið því algengt er að tímaverðir geri sér enga grein fyrir hraða keppnisbíla sem koma út af leið. Þetta hefur því miður alltaf verið svona og er alveg tímabært að taka sérstaklega á! Ljost er að undanfari þarf að vita sitt hlutverk og vera með búnað og dómgreind til uppsetningar tímavarðstöðva (reyndar var alvanur undanfari í þessari keppni sem hefði átt að gera sér grein fyrir stuttum bremsuköflum?)

Varðandi afhendingu verðlauna þá er það að vissu leyti mér að kenna - þ.e, í nauð varð ég að taka að mér eftirfara/læknabíl í rallinu og skildi kassan með verðlaunum eftir í þjónustubílnum sem ég átti jú að vera á þennan ágæta dag. Þegar mér varð það ljóst að bíllinn var í hafnarfirði brunaði ég þangað og sótti verðlaunin (þetta vissu allir í stjórnstöð). Þegar ég mætti til baka voru allir á hafa sig á brott og sú skýring gefinn að verðlaunin hefðu "týnst" - það var einfaldlega ósatt og algerlega óskiljanlegt gagnvart okkur öllum!

En medalíur og bikarar - það var ákvörðun félagsfundar BIKR að spara í verðlaunum. Ekkert sem nokkrum keppanda innan vébanda BIKR ætti að koma á óvart. Keppnisgjöldum var haldið í skefjum og allt gert til að lækka kostnað (service, verðlaun, björgunarsveit o.sv.frv)

 Ljóst er að margt má ávallt betur fara og á þessi keppni töluverða gagngrýni skilið. Það gekk ömurlega að manna stöður í keppninni og raunar svo illa að 2 SOS voru send út síðasta sólarhringin fyrir rallið. Búið var að tvímanna sumar tímavarðstöðvar og aðrar voru ómannaðar.

Næsta rall BIKR er snæfellsnesið og verður búið að kippa því sem hægt er í liðin þar :)

Kveðja / Danni

[Heimir og Halldór Jónssynir, 19.5.2009 kl. 11:17]

Hæ hæ, það var lítið Danni minni mín er ánægjan að fjalla um rallið:-). Já það er alveg rétt hjá þér að þetta hefur oft komið fyrir með bremsukaflann en ég ákvað að setja þetta á netið því það hefur vantað alla svona gagnrýni því ég veit að þetta mun skila sér í næstum röllum og þetta mun ekki koma fyrir aftur;), ég er alveg sammála sennilega átti undanfari að fatta þetta en ég veit ekki hvort tímavarðarstöð hafi verið komin upp þegar hann kom útaf leið í þessum tilvikum?. 

Það er ekki hægt að saka þig um verðlaunin því þeir í keppnisstjórn vissu betur og áttu bara að segja satt, það er mikil munur á því að tína eða segja að það sé verið á leiðinni að ná í bikaranna. Ég er alveg sammála með að lækka kostnað t.d. þetta með servisin kom vel út um helgina síðustu EN mér finnst óþarfi að taka bikarana út fyrir 2 og 3.sætið en það er bara MÍN skoðun;-). Ég þakka þér fyrir mjög góð svör Danni:).

Ég tek aftur fram að þú og allir hinir sem eruð í þessu í sjálfboðavinnu egið ALLT mitt hrós skilið..

Kveðja / HGJ.