Video - Skagafjarðarrall

Hér eru tvö vídeo frá Skagafjarðarrallinu. Þessi tvö eru af Deildadal og Mælifellsdal síðustu ferð. Hildur Hlín á allan heiður af þessum myndböndum (www.rally.hradi.is ).

Svo tók Pétur Bakari einnig upp vídeó í rallinu, sem Elvar klippti og þetta er flott hjá þeim félögum, það myndband er á þessum link http://elvaro.blog.is/blog .

Skemmtilegu Skagafjarðarralli lokið

Jón Bjarni og Sæmundur sigruðu Skagafjarðarrallið sem lauk í fyrra dag eftir mikinn slag við Daníel og Þorgerði. 15.bílar kláruðu keppnina en 23 fóru af stað.

Eins og áður sagði var slagurinn um fyrsta sætið mikill og ekki munaði nema 1.sek á fyrsta og öðru sæti eftir 130 km akstur á sérleiðum, undiritaður man ekki eftir eins miklum slag í langan tíma um fyrsta sætið.

Sigurður Bragi og Ísak lentu í 3.sæti, þeir voru tveim mínútum á eftir fyrsta sæti. Þeir félagar leigðu bíl Péturs bakara Evo 6 í þessari keppni. Bræðurnir Fylkir og Elvar tóku 4.sæti, þeir bræður rétt skriðu í gengum endamarkið en kúplingin fór endanlega hjá þeim á síðustu leið, rallið hefði því ekki mátt vera lengra fyrir þá.

Bræðurnir Gummi og Hörður Darri lentu í 5.sæti og sigruðu jafnframt jeppaflokkinn. Þeir bræður óku mjög vel í þessari keppni og hraði þeirra hefur aukist töluvert. Nú er hlaupin mikinn spenna í jeppaflokkinn og þeir bræður eru ekki nema 6.stigum á eftir Ástu og Tinnu.

Ásta og Tinna lentu í 2.sæti í jeppaflokknum, þær stöllur hafa sett skemmtilegan svip á rallið í sumar og hraði þeirra jókst mikið í þessari keppni, kannski aðeins of mikið því á ferð tvö um Mælifellsdal en þær veltu bílnum í endamarkinu, bíllinn skemmdist ekki það mikið að þær gátu haldið áfram, auðvita var sjokkið töluvert fyrir þær. Þessar stelpur kalla ekki allt ömmu sína og kláraðu keppnina með stakri snilld og enduðu 7.sæti og 2.sæti í jeppaflokki, uppskáru það svo að vera menn keppninnar.

Gunnar og Jóhann Hafsteinssynir sigruðu 2000 flokkinn og lentu 6.sæti í heildarkeppninni. Þeir bræður voru í forustu eftir fyrri daginn í 2000 flokknum en gáfu svo forustuna eftir fljótlega á degi tvö, þeir beittu svo bara smá leikaðferð á keppinauta sína og sigruðu flokkinn glæsilega.

Í 1600 flokknum voru það Halldór og Sigurður sem sigruðu, þeir hafa klárað allar keppnir sumarsins og mæta greinilega vel undir búnir fyrir hverja keppni, þeir félagar hafa nú gott forskot í 1600 flokki á Íslandsmótinu. Það er soltið skondið að skoða stöðuna á Íslandsmótinu í 1600 flokkunum því Örn (dali) er í 2.sæti þegar þremur keppnum er lokið.

Við bræður mættum í þessa keppni á Jeep Cherokee í jeppaflokk, Heimir hafði aldrei prófað að vera ökumaður og það var mikil spenna í okkar hópi fyrir þessari keppni. Við byrjuðum rallið vel og vorum í 12.sæti í heildarkeppninni og í 5.sæti í jeppa af sex bílum en aðeins munið 27.sek á öðru og fimmta sæti eftir fyrri daginn í jeppa.

Dagur tvö byrjaði ekki alveg nógu vel, eftir aðeins 3.km akstur á Mælafellsdal komu við yfir eina blindhæð og þar lentum við á risa grjóti!, sem einn keppandi hafði sett inná veginn, þrátt fyrir fína tilburði Heimis við að reyna forðast það að lenda á grjótinu tókst það ekki og við sprengdum hægra afturdekk, við skiptum um dekkið og töpuðum sirka 5.mínútum á þessu. Það gekk vel á næstu leið niður dalinn, þar náðum við 2.besta tíma í jeppaflokknum, áttum einnig 2.besta á leið 3 upp dalinn, svo besta tíman síðustu ferð niður dalinn. Við endum rallið í 10.sæti og 5.sæti í jeppaflokki. Heimir sýndi mjög góða akstur í þessari keppni og var undirritaður pínu hissa á góðum akstri litla mannsins.

Við þökkum Helga kærlega fyrir lánið á bílnum!. Einnig þökkum við öllum starfsmönnum og keppnisstjóra fyrir skemmtilegt rall, leiðarnar voru geggjaðar og þá sérstaklega Bakki - Ásgarður og þökkum auðvita öllum keppinautum fyrir góða keppni. EN fyrst og fremst þökkum við okkar frábæra servis fyrir alla hjálpina!. Steinari þökkum við þó sérstaklega því án hans hefðum við ekki farið í þessa keppni!, hann er klárlega með betri servis maönnum sem ég hef haft.

Myndir: Elvar snilli, þessi drengur mætti til að mynda föstudaginn, hann komst því miður ekki á laugardag, þar sem hann var í brúðkaupi á Laugarvatn. Ég sé engan annan ljósmyndara keyra rúmlega 700 km til að ná tveim leiðum. Takk takk Elvar.

Kveðja / Dóri

Skagafjörður 2009

 

Myndir frá Föstudeginum komnar í myndaalbúm

 http://ehrally.blog.is/album/skagafjordur_2009/

Skagafjarðarrallið hefst á morgun

Á morgun hefst hið árlega Skagafjarðarrall, ef það hefur farið framhjá einhverjum þá heldur Bílaklúbbur Skagafjarðar uppá 20.ára afmæli sitt um helgina. 23.bílar mæta til leiks í fjórum flokkum.

Rallið er 130 km á sérleiðum og því er ljóst að þetta verður erfið keppni fyrir menn og bíla. Keppnin verður án efa hörð í öllum flokkum og spennan mikil!.

Tímamaster keppninnar http://spreadsheets.google.com/pub?key=tGf8Neh8Nq82tqcBxpHDyNQ&output=html

Hér að neðan eru fréttir sem hafa birts á þessari síðu undanfarna daga, tengt þessari keppni.

http://www.ehrally.blog.is/blog/ehrally/entry/910495

http://www.ehrally.blog.is/blog/ehrally/entry/914593

http://www.ehrally.blog.is/blog/ehrally/entry/914600

http://www.ehrally.blog.is/blog/ehrally/entry/917006

http://www.ehrally.blog.is/blog/ehrally/entry/918388

Nú er undirritaður farin norður að skoða leiðar. Góða skemmtun um helgina.

Valdi mætir til leiks í Skagafjörð

Valdi og Ingi mæta aftur leiks en þeir félagar hafa ekkert verið með í sumar. Þeir aka Subaru Imprezu, þeir náðu fínum árangri í fyrra og enduðu Íslandsmótið í 4.sæti, besti árangur þeirra var 2.sætið í keppni tvö.

Þeir náðu 4.sæti í Skagafirði í fyrra, þrátt fyrir að hafa tapað töluverðum tíma á því að keyra með sprungið dekk. Á heimasíðunni þeirra www.valdi.is eru myndir af þeirra undirbúningi fyrir Skagafjarðarrallið.

Mynd: Undirbúningur á fullu hjá Valda og félögum.

Rásröð fyrir Skagafjarðarrall

Rásröðin fyrir Skagafjarðarrallið er komin. 23.bílar mæta til leiks. Ég og Heimir ræsum númer 20 og í okkar flokki sem er jeppaflokkur mæta fimm aðrar áhafnir . Svo verður væntanlega endurröðun eftir föstudaginn, því hann hann er það langur í km.

Rásröðin (númerin í sviga eru númer á bílunum)

1(3)Jón B Hrólfsson Sæmundur og Sæmundsson MMC Lancer Evo 7 N
2(1)Sigurður Bragi Guðmundsson og Ísak Guðjónsson MMC Lancer Evo 5 N
3(5)Fylkir Jónsson og Elvar Jónsson Subaru Impreza STI N
4(7)Páll Harðarson og Aðalsteinn Símonarson Subaru Impreza WRX Sti N
5(4)Valdimar Jón Sveinsson og Ingi Mar Jónsson Subaru Impreza Prodrive N
6(17)Sigurður Óskar Sólmundarson og Oddur Sigurðsson Toyota Celica GT four N
7(42)Aðalsteinn Jóhannsson og Þórður Ingvason Lancer Evo VI N
8(10)Hilmar B Þráinsson og Stefán þór Jónsson Honda Civic 2000
9(12)Guðmundur Snorri Sigurðsson og Guðleif Ósk Árnadóttir Peugeot 306 2000
10(35)Hlöðver Baldursson og Borgar Vagn Ólafsson Toyota Corolla Twincam 2000
11(31)Gunnar Hafsteinsson og Jóhann Hafsteinn Hafsteinsson Ford Focus 2000
12(21)Halldór Vilberg og Sigurður Arnar Pálsson Toyota Corolla TwinCam 1600
13(19)Júlíus Ævarsson og Eyjólfur Guðmundsson Honda Civic 1600 1600
14(20)Magnús Þórðarson og Bragi Þórðarson Toyota Corolla 1600
15(34)Kristinn Valgeir Sveinsson og Brimrún Björgólfsdóttir Honda civic 1600
16(36)Elvar Rúnarsson og Kristján Ásgeirsson Blöndal Subaru Legacy 2,0 4x4  N
17(6)Marian Sigurðsson og Jón Þór Jónsson Jeep Cherokee JX, 4,0 L J
18(24)Guðmundur McKinstry og Hörður Darri McKinstry Land Rover Tomcat 100 RS J
19(30)Sighvatur Sigurðsson og Andrés Freyr Gíslason Mitsubishi Pajero Sport J
20(32)Heimir Snær Jónsson og Halldór Gunnar Jónsson Jeep Cherokee J
21(25)Ásta Sigurðardóttir og Tinna Viðarsdóttir Jeep grand cherokee orvis J
22(33)Gunnlaugur Ingvar Ólafsson og Ingólfur Freyr Gunnlaugsson Toyota Hlux J
23(18)Örn Dali Ingólfsson og Þorgeir Árni Sigurðsson Trabant 601 L 1600

Í dag mánudag fer fram keppnisskoðun að Rauðhellu 5 í Hafnafirði kl: 18:30.

Íslandsmeistararnir mæta til leiks í Skagafjörð

Íslandsmeistararnir í rallakstri mæta til leiks í Skagafjarðarallið sem verður haldið um aðra helgi. 

Sigurður Bragi og Ísak hafa ekkert verið með í sumar. Flestir muna að þeir sláust við tvær aðrar áhafnir um titilinn í fyrra og höfðu að lokum betur eftir skemmtilegt tímabil!. Það er gaman að sjá þá ætla að mæta til leiks aftur en hvort þeir mæti í fleiri keppnir í ár veit ég ekki.

Þeir koma til með að vera í efstu þremur sætunum þó þeir hafi ekkert verið með í sumar, ef þeim tekst að sigra rallið verður það í þriðja sinn í röð sem þeir vinna Skagafjarðarrallið.

Ég man nú ekki alla tölfræðin í rallinu en undirritaður heldur að þeir Siggi og Ísak verði þeir keppendur sem hafa oftast keppt fyrir norðan, af þeim keppendum sem munu vera í ár allavega, þetta sýnir bara hvað þeir eru orðnir gamlir.

Mynd: Gerða - Siggi og Ísak á ferð 2008.

P.S. Ef þið vitið um fleiri keppendur sem eru að mæta til leiks fyrir norðan, sem hafa annað hvort ekki keppt í ár eða hafa lítið verið með síðustu ár þá megið þið senda mér línu um það á [e-mail] .

Hlöðver snýr aftur

Hlöðver Baldursson snýr aftur í rallið og verður með í Skagafjarðarrallinu um aðra helgi, hann er margfaldur Íslandsmeistari í þessari grein og á að baki marga sigra í 1600 flokki sem og 2000 flokki. Hlöðver hefur ekkert keppt í nokkur ár en hefur verið mikið í kringum rallið þrátt fyrir það.

Undirritaður byrjaði sinn rallferil einmitt með Hlöðveri 2001 og urðum við Íslandsmeistarar þá í eindrifsflokki sem er nú 2000 flokkur. Hlölli hefur festi kaup á gömlu Toyotuni sem hann ók 2001, 2002 og 2003, eins og flestir vita náði hann frábærum árangri á henni og til að mynda árið 2003 lendi hann ásamt undirrituðum í 2.sæti í Rallý Rvk það árið.

Með Hlöðveri fer Borgar Ólafsson en hann var aðstoðarökumaður hjá Jón Bjarna 2006, 2007 og 2008, Boggi ákvað svo að taka sér hlé nú í vor, Hlölli ætti því að rata leiðina því Boggi er einn af okkar betri aðstoðarökumönnum.

Mynd: Hlölli og Dóri í Rallý Reykjavík 2003.

HJ Rally Team keppir í Skagafirði

Við bræður höfum ákveðið að mæta á krókinn 25.júlí og mun Heimir sitja undir stýri . Bíllinn sem við höfum fengið til þess að leika okkur þekkir vel til leiðanna fyrir norðan, ef minnið er ekki að fara með mig keppti þessi bíll í fyrsta skipti í skagafirði en það er sjálfsögðu verið að tala um hvalinn Jeep Cherokee og er Helgi svo góður að lána okkur gripinn.

Eina markmið okkar er að hafa gaman  og vonandi komast alla leið í endamark. Við munum keppa í jeppaflokki ásamt nokkrum öðrum áhöfnum þar á meðal Ásta og Tinna en þær leiða Íslandsmótið í jeppaflokki og hafa staðið sig mjög vel í sumar, eins og flestir vita er Tinna kærasta Heimis.

Eins og áður segir mun Heimir keyra og það kemur því í minn hlut að lesa leiðarnótur sem er bara gaman og sérstaklega á Mælifellsdal en ég geri ráð fyrir að hann verði keyrður. Þetta verður í sjöunda skipti sem ég(Dóri) keppi fyrir norðan.

Vonandi mæta margar áhafnir norður, Bílaklúbbur Skagafjarðar heldur uppá 20.ára afmæli sitt í ár. Fleiri fréttir af undirbúningi okkar kemur lok vikunnar eða strax eftir helgi.

Kveðja / HJ Rally Team.

Jón Bjarni og Sæmundur sigruðu örugglega - systkini í fyrstu 3.sætunum í jeppaflokki

Þriðja umferð Íslandsmótsins í rallakstri fór fram á Krísuvíkursvæðinu í dag. 23.áhafnir voru skráðar til leiks en tvær mættu ekki á ráslínu útaf bilunum og svo duttu fjórar hafnir út í viðbót og því kláruðu 16.bílar keppnina.

Eknar voru fjórar sérleiðar og voru fyrstu þrjár leiðarnar Ísólfsskáli/Djúpavatn/kleifarvatn allt ekið í einum rikk og svona voru fyrstu þrjár ferðirnar og sú síðasta var kleifarvatn ein og sér.

Slagurinn um fyrsta sætið var ekki mikil og til að gera langa sögu stutta þá sigruðu félagarnir Jón Bjarni og Sæmundur örugglega og voru þeir 2,32 mínútum á undan næsta bíl sem voru þeir Fylkir og Þórður en þeir gerðu samt vel að að mæta í þessa keppni því þeir voru á síðustu stundu að skrúfa mótorinn ofaní. Jóhannes (jói þýski) og Björgvin gerðu vel og lendu í 3.sæti og enduðu þeir 56.sekúndum á eftir 2.sætinu, það verður að segja Jóa það til hróss að hann var að auka hraðann sinn nokkuð í þessu ralli og til að mynda var hann með 2.besta tímann á fyrstu leið gott hjá þeim.

Feðgarnir Óskar Sól og Oddur lentu í 4.sæti og er það flottur árangur hjá þeim feðgum en Óskar er engin nýgræðingur í rallinu og hefur ávalt verið hraður ökumaður og það er virkilega gaman að sjá hann mættan til leiks aftur í rallið eftir stutt hlé.

Daníel og Gerða mættu á fjósinu Toyota Hilux og þau gerðu sér lítið fyrir og lendu í 5.sæti og það verður að teljast gott á þessum bíl, eins og flestir vita er Danni margfaldur Íslandsmeistari í ralli og hefur verið að ná fínum árangri í Bretlandi undanfarið og hann bauð Gerðu í laugardagsbíltúr en hún hefur verið duglega að mynda rallkeppnir undanfarin ár!!, þetta var kannski aðeins meira en bíltúr hjá þeim því þau sigruðu jeppaflokkinn nokkuð örugglega.

Hilmar og Stefán óku vel og sigruðu í 2000 flokki með töluverðum yfirburðum og hafa nú gott forskot þar, þeir lentu jafnframt í 6.sæti í heildarkeppninni, þeir félagar hafa nú 8.stig í heildarkeppni og eru jafnir tveim öðrum áhöfnum en ef Hilmar og Stefán halda áfram að aka svona vel og vera framarlega gætu þeir lend í topp 3 á Íslandsmótinu í haust og það yrði að sjálfsögðu mjög gott! þar sem þeir eru ekki á eins hröðum og góðum bíl og flestir í rallinu hreinlega.

Skvísurnar Ásta og Tinna lentu í 3.sæti í jeppaflokki og í 10.sæti í heildarkeppninni, þær voru 9.sekúndum á eftir 3.sætinu í jeppaflokki fyrir síðustu leið en þær gerðu sér lítið fyrir og tóku 11.sek af Steina og Mckinstry og Þórði og fóru því fram fyrir þá, þetta var virkilega vel gert hjá þeim og ég myndi segja að þær væru áhöfn þessa ralls, þær létu mótlætið ekki á sig fá því þær sprengdu á fyrstu leið og þurftu að aka nokkra kílómetra á sprungnu, þær leiða áfram Íslandsmótið í jeppaflokki og það er alveg greinilegt að þessar stelpur eru á réttri leið í rallinu!.

Það er ekki hjá því komist að rita um þau systkini Danna, Marra og Ástu Sigurðarbörn en þau óku öll í jeppaflokki og þau gerðu sér litið fyrir og röðuðu sér í fyrstu 3.sætin í þeim flokki sannarlega frábær árngur hjá þeim, þetta örugglega í fyrsta skipti í akstursíþróttum hér á landi sem systkin ráða sér í efstu 3.sætin í flokka keppni, það skal taka fram að það voru þrír aðrir bílar í jeppaflokki.

Í 1600 flokki sigruðu þeir Halldór Vilberg og Sigurður og lentu í 14.sæti í heildina, það var þeim til happs að helstu keppinautar þeirra féllu úr leik en þeir gerðu sitt og gott betur og komu í mark sem öruggir sigurvegarar í 1600 flokki og Halldór hefur nú gott forskot í slagnum um titilinn í 1600 flokki.

Næsta keppni fer fram í Skagafirði í lok júlí og þar verður án efa mikið gaman því Bílaklúbbur Skagafjarðar heldur upp á stórafmæli  á þessu ári. Það er aldrei að vita nema undirritaður sjáist i keppnisgallanum með sínar leiðarnótur fyrir norðan en það verður tíminn að leiða í ljós.

Lokastaðan í rallinu

1. Jón Bjarni Hrólfsson og Sæmundur Sæmundsson
2. Fylkir A. Jónsson og Þórður Ingvason
3. Jóhannes V. Gunnarsson og Björgvin Benediktsson
4. Sigurður Óskar Sólmundarson og Oddur B Sigurðsson
5. Daníel Sigurðsson og Gerða Gunnarsdóttir (Unnu jeppaflokk)
6. Hilmar Bragi Þráinsson og Stefán Þór Jónsson (unnu 2000 flokk)
7. Aðalsteinn Jóhannsson og Guðmundur Jóhannsson
8. Marían Sigurðsson og Jón Þór Jónsson
9. Sigurður Óli Gunnarsson og Elsa K. Sigurðardóttir
10. Ásta Sigurðardóttir og Tinna Viðarsdóttir
11. Þorsteinn S. Mckinstry og Þórður Andri Mckinstry
12. Ragnar Einarsson og Steinar Sturluson
13. Guðmundur Snorri Sigurðsson og Guðleif Ósk Árnadóttir
14. Halldór Vilberg og Sigurður Arnar Pálsson (unnu 1600 flokk)
15. Linda Karlsdóttir og Íris Ragnarsdóttir
16. Örn (Dali) Ingólfsson og Óskar Hreinsson

Svo er Elvar snilli búin að setja inn myndir af keppninni http://ehrally.blog.is/album/rally_4_juli_2009  . Elvar á mikið hrós skilið fyrir þessar myndir og er alltaf fyrstur að setja þær á netið!.