Yngsti keppandi í ralli frá upphafi

Baldur Hlöðversson verður í næstu viku yngsti keppandi í ralli frá upphafi. Baldur er sonur Hlöðvers Baldurssonar en strákurinn verður hann 15 ára á næsta þriðjudag, hann verður því aðeins 15 ára og 2 daga þegar þeir feðgar fara af stað í Alþjóðarallið. 15 ára aldurstakmark er í rallinu og því getur þetta ekki verið mikið tæpara hjá Baldri . Það er gaman að þetta skuli gerast í 30 Alþjóðarallinu.

Eðlilega er mikil tilhlökkun hjá stráknum enda búin að vera í kringum rallið frá unga aldri og fylgst með föður sínum vinna marga sigra í rallkeppnum. Það er alltaf gaman að sjá unga menn og konur koma inn í sportið og vonandi verða þeir fleiri á næstu árum.

Þeir feðgar aka Toyotu Corollu og eru í 2000 flokki. Hlöðver ók í síðasta ralli eftir nokkra ára hlé, hann var með Borgar sér við hlið og enduðu þeir í 2.sæti í 2000 flokknum, þrátt fyrir að hafa sprengt 5 dekk.

Mynd: Bíllinn sem þeir feðgar aka.

Þeir feðgar í þjónustuhléi í Alþjóðarallinu 2001. Hlöðver ók þá sama bíl og nú, þetta sama ár var Hlölli ásamt undirrituðum Íslandsmeistari í eindrifsflokki.

Athugasemdir

[baldur.hlöðversson (IP-tala skráð) 8.8.2009 kl. 22:05]

takk takk þeta er bara cool :D XD

[Heimir og Halldór Jónssynir, 8.8.2009 kl. 22:39]

Það var lítið Baldur minn. Þetta verður gaman!..

[Team Yellow, 10.8.2009 kl. 21:59]

Skemmtilegast að sjá að hlölli passar enn í gallann :D

Held að baldur sé orðinn aðeins of stór í þennan bláa þarna á myndinni hehe...

Líka skemmtileg tilviljun að hann er bara 1 degi yngri en Bragi var í haustrallinu í fyrra, mátti ekki tæpara standa :)

kv Maggi

[Heimir og Halldór Jónssynir, 10.8.2009 kl. 23:25]

Já það er rétt Maggi, þetta getur ekki verið tæpara hjá Baldri EN bróðir þinn er næst yngsti ;).

Ef ég á að vera hreinskilin, þá er gallinn á Hlölla orðin of litill líka . Baldur verður í þessum gula og blá, Hlölli er í nýjum. 

[Steini Palli, 11.8.2009 kl. 11:14]

Ég held að það séu mörg ár síðan þessi galli varð of lítill á Hlöðver en hvort það er svona mikið teygjuefni í þessum galla eða hvort Hlöðver hefur bara alltaf keypt stærri galla í sama lit skal látið ósagt....

Er sammála Dóra með það að gaman er að sjá unga menn og konur koma inní okkar sport og ekki síst þegar þeir hafa alist nánast upp í sportinu!

kv. Steini Palli