Jólakveðja

Ég óska öllu rallýfólki sem og landsmönnum öllum gleðilegra jóla og farsældar á nýju ári.

Með von um að næsta keppnisár í rallinu verði enn betra en árið 2007 sem var gott rallár.

Jólakveðja,Dóri

Pétur vann könnunina

Ég setti upp skoðanakönnun fyrir rúmum tveim mánuðum og spurði hver á að vera akstursíþróttamaður ársins úr röðum rallökumanna.Pétur S.Pétursson (sem er til vinstri á myndinni) vann þessa skoðanakönnun,hann fékk 38 atkvæði af 106 sem tóku þátt.Daníel Sigurðsson kom næstur með 31 atkvæði.

Pétur varð Íslandsmeistari í sumar ásamt Heimi bróður,þeir urðu meistarar í 1600 og 2000 flokki,þeir voru með mikla yfirburði í báðum flokkum og óku hreint út sagt frábærlega í allt sumar.þetta var fyrsta sumarið þeirra saman í ralli,og greinilegt að þeirra samstarf gengur vel.

Pétur og Heimir hafa fest kaupa á bíl Íslandsmeisanna síðustu 2.ára,en það eru systkinin Danni og Ásta.Það verður gaman að fylgjast með þeim í toppslagnum næsta sumar.Rallið er í gríðarlegri uppsveiflu og það verða 10/12 bílar sem munu slást um fyrstu sætin 2008.

Evo 6 bíllinn sem Pétur og Heimir hafa fest kaup á.

Mynd.Gulli Briem, www.gullibriem.blog.is

Fjórði í röð í augnsýn hjá Loeb

Síðasta keppnin á heimsmeistaramótinu í rallakstri fer fram nú um helgina í Wales.

Þegar tveimur dögum er lokið af þrem,hefur Finninn Mikko Hirvonen ágæta forustu á landa sinn Marcus Grönholm,heimsmeistarinn Frakkinn Sebastian Loeb er í 3.sæti fyrir síðasta daginn sem verður á morgun,Loeb dugir að vera í topp 5 til að landa sínum 4.heimsmeistaratitli á jafn mörgum árum,hann er greinilega að aka af öruggi í þessu ralli því hann hefur bara unnið eina sérleið.

Finninn Jari-Matti Latvala sem ekur Ford Focus,vann allar sérleiðarnar í dag nema eina,en hann er aðeins í 12.sæti því Rúðuþurrkurnar biluðu hjá honum í gær,og hann tapaði miklum tíma.Rallinu lýkur á morgun en þá verða eknir 114 Km,svo það er nóg eftir af rallinu.

Mynd.Latvala á ferð um helgina.