Íslandsmeistarar 2009

Eins og allir vita er Íslandsmótinu í rallakstri árið 2009 lokið.

Mótið í sumar var mjög spennandi, fyrir utan kannski N flokkinn sem er stóri flokkurinn. Þar höfðu Jón og Sæmundur töluverða yfirburðir. Þeir fengu reyndar verðuga keppni í fyrsta rallinu og í Skagafjarðarrallinu sem og einnig í Alþjóðrallinu.

Í hinum flokkunum var mikill slagur í allt sumar.

Íslandmeistarar árið 2009

Jón Bjarni Hrólfsson og Sæmundur Sæmundsson flokkur N 
Guðmundur Orri Mckinstry og Hörður Darri Mckinstry flokkur J
Hilmar Bragi Þráinsson og Stefán Þór Jónsson flokkur 2000
Halldór Vilberg Ómarsson og Sigurður Arnar Pálsson flokkur 1600

Ég óska öllum Íslandsmeisturum innileg til hamingju.

Mynd: Elvar snilli - ökumenn Hilmar Bragi og Stefán Þór.

Stórfrétt - Íslendingur keppir í heimsmeistarakeppninni í ralli

Það verður stór stund í rallýheiminum hér á landi og í Íslensku íþróttalífi! daganna 22-25 okt næstkomandi. Daníel Sigurðsson mun þá keppa á heimsmeistaramótinu í rallakstri ásamt Bretanum Andrew Sankey. Keppnin fram fer í Bretlandi og er þetta jafnframt síðasta keppni ársins á heimsmeistaramótinu.

Það hefur engin Íslendingur tekið þátt í heimsmeistarakeppninni í ralli og því er þetta stór stund fyrir okkur Íslendinga! og fyrir Íslenskt rall auðvita. Danni verður landi og þjóð til mikils sóma í þessari keppni á því leikur engin vafi, hann hefur náð fínum árangri í Bresku meistarakeppninni á þessu ári en þetta er aðeins stærri keppni sem hann tekur þátt í núna! .

Þeir Danni og Sankey munu keppa á bílnum sem Danni hefur ekið á þessu ári, MMC Lancer Evo 10, þetta er bíllinn sem Stuart Jones ók til sigurs í Rallý Reykjavík um miðjan Ágúst.

Vonandi sjá Íslenskir íþróttafréttamenn sér fært að fjalla um þetta!, til að líkja þessu við okkar vinsælustu íþróttagrein - fótbolta þá er þetta eins og fótboltalandsliðið væri að spila við Spán eða Ítalíu á lokamóti heimsmeistarakeppninnar.

Hvet fólk til að fylgjast með síðuna hans Danna næstu daga ( http://hipporace.blog.is ), svo mun ég henda inn frekari fréttum þegar liður nær þessari keppni.

Mynd: Bíllinn hans Danna - http://hipporace.blog.is .

Þakkir til stjórnar BÍKR

Þeir sem hafa fengið lítið hrós á ralltímabilinu sem er nú ný lokið er stjórn BÍKR(Bifreiðaíþróttaklúbbur Reykjavíkur). Þessir drengir hafa unnið frábært starf á þessu ári og eiga miklar þakkir skilið!. BÍKR( www.bikr.is) hélt 5 keppnir af 6 á Íslandsmótinu og fórst það afar vel af hendi.

Klúbburinn hélt einnig leikdag upp á rallycrossbraut en þeim degi var hent upp á einum sólarhring, því AÍFS frestaði öðru rallinu rúmum tveim sólarhringjum fyrir ræsingu. Það var grillað og allir áttu glaðan dag upp á braut á þessum leikdegi .

Svo sá BÍKR um að skipuleggja rallið á Lex-Games, það var mjög góð auglýsing fyrir sportið, þetta var vel skipulagt af klúbbnum og allt gekk hratt og vel fyrir sig! . Einnig var grillað ofan í gesti og gangandi í keppnisskoðun fyrir Rallý Reykjavík um miðjan Ágúst.

Svo gerði BÍKR blað sem var dreift með fréttablaðinu, þetta blað kom út í vikunni sem Rallý Reykjavík var haldið. Blaðið var fjórar blaðssíður um rallý. Elvar átti mikinn þátt í hversu blaði var flott, vonandi kemur meira svona frá klúbbnum og þá í samstarfi við Elvar .

Þetta var í stuttu máli hvað stjórn BÍKR hefur gert fyrir OKKUR á þessu keppnistímabili. Svo má auðvita ekki gleima öllum þeim starfsmönnum sem hafa komið að öllum keppnunum EN án þeirra væri ekkert rallý!, allt þetta fólk á mikið hrós skilið!.

Undirritaður vonar innilega að stjórn BÍKR haldi áfram og geri jafn góða hluti næstu árin eins og þeir gerðu á þessu ári!

Rallý kveðja/ Dóri

Síðasta ralli ársins lauk í gær - risa umfjöllun!

Síðasta rallkeppni ársins lauk í gær á Snæfellsnesi. Úrslitin voru ráðin í öllum flokkum á Íslandsmótinu nema í jeppaflokki og hjá aðstoðarökumönnum í 1600 flokknum. 20.bílar voru skráðir til leiks en aðeins 13 komust í endamark. Bílarnir voru örugglega orðnir þreyttir í gær, því keppnin sem var á föstudagskvöldinu var erfið og áhafnir örugglega orðnar þreyttar.

Jóhannes og Björgvin óku vel í rallinu og uppskáru eftir því, þeir voru í hörku slag við Palla Harðar og Aðalstein fram á síðustu leið og ekki munaði nema 6 sekúndum þegar bílarnir fóru inná seinustu leiðina, bíllinn hjá Palla og Aðalsteini drap á sér og töpuðu þeir 3 mínútum og enduðu þeir í 4.sæti, við þetta skriðu Jóhannes og Björgvin upp í fyrsta sæti og unnu sinn fyrsta sigur á þessum bíl. Gummi Hösk og Óli Þór voru einnig í smá slag við þessar tvær áhafnir og Gummi og Óli lentu í 2.sæti, frábært hjá þeim félögum.

Alli og Heimir lentu í 3.sæti  og voru þeir vel að því komnir. Alli er aðeins á sínu fyrsta ári í rallinu og hefur komið með ferskan blæ inn í þetta sport!. Það er frábært hjá honum að ná í verðlaunasæti á fyrsta ári, hraði hans hefur aukist með hverju ralli, það verður virkilega gaman að fylgjast með Alla á næsta ári.

Sighvatur og Andrés náðu 5.sætinu og sigruðu einnig jeppaflokkinn, þeir voru að aka mjög vel í þessum tveim keppnum um helgina. Marian og Jón Þór lentu í 2.sæti í jeppaflokknum og voru ekki nema 29 sekúndum á eftir Hvata og Andrési. Nýliðarnir í jeppaflokknum Baldur og Elias kláruðu báðar keppnirnar um helgina, það er alltaf gott þegar nýliðar klára sínu fyrstu keppnir sem  þeir gerðu, undirritaður var hrifin af þeirra akstri og vonandi mæta þeir á næsta ári.

Feðgarnir Hlöðver og Baldur sigruðu 2000 flokkinn og enduðu í 6.sæti í heildarkeppninni, þeir feðgar koma alltaf vel undirbúnir til leiks bæði með bíl og nótna gerð og það skilar sér heldur betur. Þeir fengu samt verðuga keppni í gær því hinir feðgarnir í 2000 flokki Óskar og Oddurmættu til leiks á Peugoet 306, Óskar og Oddur voru að keyra mjög vel og taka góða tíma, svo neitaði bíllinn að fara lengra á fyrstu leið eftir hádegi, þá voru Óskar og Oddur með forustu í 2000 flokknum. Þessi flokkur verður mjög skemmtilegur á næsta ári en þá munu þessar áhafnir slást í öllum mótum.

Halldór Vilberg og Sigurður unnu 1600 flokkinn og tryggði Halldór þar með aðstoðarökumanni sínum titilinn líka, því hjá aðstoðarökumönnum gat Eyjólfur náð Sigurði en svo fór ekki. Halldór og Sigurður eru vel að þessu komnir og eru verðskuldaðir meistarar í þessum flokki. Júlíus og Eyjólfur sem keppa í 1600 flokknum  óku útaf á Jökulhálsi, bíllinn skemmdist mikið ef ekki ónýtur, það þurfti að kalla til sjúkrabíl og varð töf eðlilega á rallinu útaf þessu. Sem betur fer eru drengirnir heilir og óbrotnir en teygðir og tognaðir, ég óska þeim góðs bata og vonandi koma þeir ferskir aftur næsta ári.

Jeppaflokkurinn var hvað mest spennandi í sumar. Ásta og Tinna voru með forustu í flokknum eftir hvert rallið á fætur öðru og voru að aka mjög vel. Bræðurnir Guðmundur Orri og Hörður Darri voru að berjast við þær um titilinn. Eftir rallið á föstudag voru bræðurnir komnir í forustu á Íslandsmótinu í fyrsta skipti í sumar. Ásta og Tinna tóku hárrétta ákvörðun í gærmorgun, keyra af öruggi og bíða og sjá hvað myndi gerast hjá Gumma og Herði, bræðurnir gerðu engin mistök og urðu verðskuldað Íslandsmeistarar í jeppaflokki árið 2009. Það var mjög gaman að fylgjast með jeppaflokknum í sumar fullt af bílum og mikil barátta!. Það verður samt ekki tekið af Gumma og Herði að þeir voru fljótastir í flokknum og því eru þeir Íslandsmeistarar. Ég óska þeim til hamingju með þennan titil. Ásta og Tinna geta samt gengið afar stoltar! frá þessu sumri, það tekur engin af þeim 2.sætið á Íslandsmótinu í jeppaflokki og fullt af verðlaunum  m.a. menn keppnirnar í Skagafjarðarrallinu í sumar, þær löguð mikið á sig í sumar þessar stelpur og geta verið sáttar með sitt!. 

Undirritaður fékk soldið nýja sýn á rallið í gær, með því að vera með þeim ljósmyndurum Elvari og Gerðu og það var mjög gaman . Það sem þau gera fyrir rallið er meira heldur en margir halda!! og erum við heppinn hafa þessa ljósmyndara með okkur, takk fyrir skemmtilegan dag Gerða og Elvar.

Rallý kveðja / Dóri.

Páll og Aðalsteinn sigruðu

Páll og Aðalsteinn sigruðu rallið sem var rétt í þessu að ljúka og er þetta frábært hjá þeim félögum. 7 sérleiðar voru eknar í rallinu í kvöld og sigruðu þeir félagar allar, svo yfirburðir þeirra hafa verið nokkrir, til hamingju með góðan sigur drengir.

Jóhannes og Björgvin gerðu vel og náðu 2.sæti og er þetta besti árangur þeirra á þessari bifreið, þeir voru rúmum fjórum mínútum á eftir fyrsta.

Guðmundur Orri og Hörður óku mjög vel og enduðu í 3.sæti og þeir sigruðu jafnframt jeppaflokkinn og eru komnir í góða stöðu í Íslandsmótinu í jeppa.

Hilmar Bragi og Stefán Þór unnu 2000 flokkinn og enduðu í 4.sæti, þessi úrslit þýða það að þeir eru orðnir Íslandsmeistarar í 2000 flokki, frábær árangur hjá þeim og verður gaman að sjá Himmi aka öflugri bíl á næsta ári. Til hamingju með titilinn strákar!. Feðgarnir Hlöðver og Baldur lentu í 2.sæti í 2000 flokki, þeir enduðu einni mínútu á eftir Himma og Stefáni, en Hlölli og Baldur töpuðu miklum tíma á fyrstu og annarri leið við það að fara útaf.

Aðalsteinn og Heimir fóru útaf á fyrstu leið og töpuðu 10 mínútum. Þeir óku mjög vel eftir þetta og náðu fórum sinnum 2. besta tíma, flott hjá þeim fyrir utan það að fara útaf á fyrstu leið.

Lokaúrslit hér http://tryggvi.org/rallytimes/?RRComp=6&RRAction=9 .

Svo er síðasta rall ársins á morgun og hefst það kl. 10:00 í fyrramálið, það er hægt að fylgjast með live á morgun hér http://tryggvi.org/rallytimes/?RRComp=7&RRAction=9 .

 

 

 

Tímabilinu lýkur um helgina - hverjir verða meistarar ?

Íslandsmótinu í rallakstri lýkur um helgina með tveim keppnum. Fyrri keppnin verður á föstudag og verður ekið að hluta til í myrkri, sú seinni verður á laugardag í birtu, báðar keppnirnar fara fram á Snæfellsnesi. Upplýsingar um keppnirnar er að finna inná www.bikr.is , m.a. rásröð og tímamaster.

Það verður verður hart barist í báðum keppnum því Íslandsmeistaratitlar eru í húfi. Það er orði klárt hverjir verða Íslandsmeistarar í heildinni en Jón Bjarni og Sæmundur tryggðu sér titilinn eftir Alþjóðarallið, í hinum flokkunum er engin orðin öruggur með titil og því verður þetta spennandi helgi í rallinu!.

Mesta spenna um Íslandsmeistaratitilin er í jeppaflokki, þar munar ekki nema 2,25 stigum á fyrsta og öðru. Ásta og Tinna eru í forustu og hafa verið það frá fyrsta móti í vor, bræðurnir Guðmundur og Hörður eru í 2.sæti, Marian og Jón Þór eiga líka möguleika á titli en þeir eru 10,5 stigum á eftir stelpunum. Það er því ljóst að ekkert verður gefi eftir í þessum flokki um helgina.

Það er líka töluverður slagur um titilinn í 2000 flokki. Hilmar leiðir flokkinn með 9,5 stigum á Halldór Vilberg, Himmi er því í góðri stöðu en hann mætir bara í fyrri keppnina, 2.sætið dugar honum líklega til að verða meistari. Feðgarnir Hlöðver og Baldur eiga smá möguleika á titli í 2000 flokknum en til þess þarf margt að gerast fyrir þá :).

Halldór Vilberg og Sigurður eru orðnir Íslandsmeistarar í 1600 flokki, því flokkurinn gildir ekki í fyrra rallinu, Halldór og Sigurður verða með á laugardag, þeir eru með 15.stiga forskot og því getur engin náð þeim. Til hamingju með titilin drengir ;).

Í heildarkeppninni munu líklega þrjár áhafnir slást um sigur, það eru Valdi og Ingi, Páll og Aðalsteinn og hinsvegar Jóhannes og Björgvin. Það gæti háð Valda og Inga að þeir hafa aðeins mætt í eina keppni á þessu ári og fóru reyndar ekki langt þá en þeir eru fljótir ökumenn. Alli og Heimir gætu strítt í þessum áhöfnum og gaman verður að sjá hvað þeir félagar gera um helgina. Í rallinu á laugardag koma svo inn Guðmundur Hösk og Ólafur og hinsvegar Þórður og Jón, þessar tvær áhafnir gætu blandað sér í slaginn um fyrsta sætið á laugardag.

Myndir: Gerða (www.hipporace.blog.is ) og Elvar (http://www.flickr.com/photos/elvarorn ). Þau hafa verið dugleg að mynda röllin undanfarin ár og eiga mikið hrós skilið fyrir það!.