11 dagar í fyrstu keppni!

Ekki eru nema 11 dagar í að Íslandsmótið í ralli hefjist! Spennan er örugglega farin að gera vart við sig hjá keppendum og ralláhugafólki en það lítur út fyrir mjög skemmtilegt rallýsumar.

Keppnin fer fram dagana 18 og 19 maí næstkomandi en hluti rallsins verður ekinn á föstudagskvöldi og síðan verður laugardagur þétt pakkaður með skemmtilegum leiðum. Reiknað er með að nokkrar nýjar sérleiðir verði sem gerir spennuna enn meiri. Upplýsingar um rallið inná www.bikr.is .

Eins og áður hefur komið fram á síðunni lítur út fyrir að mesta þáttakan verði í non turbo flokki og það verður virkilega gaman að sjá þann flokk í sumar. Vonandi rætist samt úr hinum flokkunum og jeppflokkurinn er einn þeirra en reikna má með þrem til fimm bílum í röllum sumarsins í þeim flokki.

Mynd: Cherokee bíll Kristins Sveinssonar en þetta er gríðalega öflugur bíll og vonandi mætir Kiddi í sem flestar keppnir. Bíllinn orðin fallegur og nýji orangs liturinn gerir mikið fyrir bílinn. Gaman verður að fylgjast með Kidda og vonandi fær hann sem mesta keppni í jeppaflokknum.