Loeb með forustu í Írlandi

Keppnistímabilið á heimsmeistaramótinu í rallakstri er farið af stað og er fyrsta mótið í gangi núna um helgina í Írlandi.

Frakkinn Sebastien Loeb sem er heimsmeistari síðustu fimm ára er með töluverða yfirburði í þessu fyrsta móti ársins.

Í öðru sæti er liðsfélagi Loeb Spánverjinn Dani Sordo og er hann rúmri mínútu á eftir Frakkanum þegar einum degi er ólokið en rallinu lýkur á morgun.

Þriðji er Finninn Mikko Hirvonen og hann er rúmum tveim mínútum á eftir fyrsta sætinu.

Flottasta myndin árið 2008

Jæja þá er könnuninni lokið sem ég setti af stað fyrir rúmum tveim vikum um flottustu rallý myndina árið 2008. Ég valdi 10 myndir sem MÉR fannst vera þær flottustu og ekki er hægt að kvarta yfir þátttökunni í könnuninni en 91 greiddu atkvæði.

Ekki munaði nema einu atkvæði á flottustu myndin og þeirri sem lenti í 2.sæti. Myndin af Pétri og Heimi á Stapanum(mynd 2) sigraði með 18,7% og voru 17 sem greiddu henni atkvæði og gaman að segja frá því að Pétur og Heimir unnu þessa keppni þar sem myndin er tekin, myndin af Danna og Ástu lenti í 2.sæti(mynd 5) en þau fengu 17,6% greidda atkvæða og eins og áður sagði gat munurinn ekki verið minni!.

Flottasta myndin árið 2008

Staður Stapinn - ökumenn Pétur og Heimir - Ljósmyndari Elvar(elvaro).

Gleðilegt nýtt ár

Ég óska öllum gleðilegt nýtt ár og með þökk fyrir það liðna.

Ég þakka öllum þeim sem heimsóttu síðuna mína á árinu sem er liðið.

Flottustu myndir ársins

Ég hef valið 10 flottustu rallýmyndir ársins úr Íslenska rallinu, að mínu mati eru þetta þær flottustu en auðvitað er hægt að deila um þetta eins og allt annað!.

Myndirnar hér að neðan er hægt að sjá stærri með því að klikka þær.

Svo hvet ég fólk til að taka þátt í könnunin hér til hægri á síðunni og velja bestu myndina.

Mynd 1 - Sigurður Bragi & Ísak - ljósmyndari Gerða.

Mynd 2 - Pétur & Heimir - ljósmyndari Elvar(elvaro)

Mynd 3 - Jón Bjarni & Borgar - ljósmyndari Jóhann(JAK)

Mynd 4 - Valdimar & Ingi - ljósmyndari Elvar(elvaro).

Mynd 5 - Daníel & Ásta - ljósmyndari Guðmundur.

Mynd 6 - Pétur & Heimir - ljósmyndari Elvar(elvaro).

Mynd 7 - Marian & Jón Þór - ljósmyndari Gerða.

Mynd 8 - Eyjólfur & Halldór - ljósmyndari Gulli Briem.

Mynd 9 - Pétur & Heimir og Jón & Borgar - ljósmyndari - Jóhann(JAK).

Mynd 10 - Úlfar & Birgir - ljósmyndari - Gulli Briem.

Takk fyrir frábært rallár!.

Gleðileg Jól

Ég óska lesendum mínum sem og landsmönnum öllum Gleðilegra Jóla og farsældar á komandi ári.

Hafið það sem allra best yfir hátíðarnar og verið góð við hvert annað.

Jólakveðja / Dóri

Þáttur fjögur

RÚV hefur síðustu laugardaga verið að sýna frá Íslenska mótorsportinu 2008 og var þáttur fjögur í gær, í þættinum gær var ralllinu gerð góð skil og var og sýnt frá fyrstu þremur keppnunum, þeir sem misstu af þættinum í gær geta klikkað á þennan link  http://dagskra.ruv.is/sjonvarpid/4454044/2008/12/20

Loeb sigraði í Wales

Heimsmeistarinn í rallakstri Frakkinn Sebastien Loeb sigraði í síðustu wrc keppni ársins sem fór fram í Wales um helgina, það er óhætt að segja að loeb hafi haft yfirburði á þessu keppnistímabili því hann sigraði 11 mót af 15.

Finninn Jari-Matti Latvala lendi í 2.sæti í keppninni en hann var með forustu lengst af, Latvala sigraði 1 mót á þessu tímabili.

Dani Sordo lendi í 3.sæti í þessari keppni en Spánverjinn ungi endaði í 3.sæti á þessu keppnistímabili, hann náði samt ekki að sigra mót á þessu tímabili.

Mynd -  http://www.wrc.com 

Mótorsportið að byrja á RÚV

Það er gaman að segja frá því að RÚV er að hefja sýningar á Íslenska mótorsportinu (keppnistímabilið 2008) og er fyrsti þátturinn næsta laugardag kl:12:45, í þessum fyrsta þætti verður kvartmíla og rall eftir því sem ég best veit. Ég fanga því að þetta skuli vera komið á dagskrá og ég þakka RÚV mönnum kærlega fyrir það. ALLIR að stilla á RÚV næsta laugardag kl:12:45 og sjá frábært sjónvarpsefni. Þáttur tvö er komin á dagskrá og er hann laugardaginn 6.12 kl:15:10.

WRC - Wales

Síðasta keppnin í wrc á þessu keppnistímabil fer fram eftir rúmar tvær vikur í Wales, Loeb hefur þegar tryggt sér heimsmeistaratitilinn sem er reyndar sá fimmti í röð..

Vídeó frá Wales í fyrra

 

Valdi sigraði Haustsprett BÍKR

Haustsprettur Bifreiðaíþróttaklúbbs Reykjavíkur fór fram í dag, ekin var 5.km leið um Ölkelduháls uppá Hellisheiði og voru eknar 5 ferðir.

Mættir voru 14.ökumenn í þetta rall en það vantaði töluvert af bílum sem hafa verið að keppa í rallinu í sumar.

Valdi gerði vel og sigraði þessa keppni en hann ók þrjár síðustu ferðirnar en Óskar Sól fór fyrstu tvær á sama bíl og lauk hann keppni í 5.sæti, aðstoðarökumaður hjá Valda var Tinna kærasta Heimis og stóð hún sig mjög vel og hún var fjölskyldunni til mikils sóma.

Lokastaðan í rallinu

1) Valdimar Jón Sveinsson - Subaru Impreza WRX
2) Guðmundur Höskuldsson - Subaru Impreza GT
3) Páll Harðarson - Subaru Impreza STI
4) Jón Bjarni Hrólfsson - Jeep Cherokee
5) Óskar Sólmundarson - Subaru Impreza WRX
6) Pétur Ástvaldsson - Jeep Pussycat
7) Sigmundur V. Guðnason - MMC Pajero Sport
8) Júlíus Ævarsson - Honda Civic VTI
9) Theodor Kristjánsson - Jeep Grand Cherokee
10) Magnús Þórðarson - Toyota Corolla
11) Hörður Darri Mckinstry - Tomcat
12) Halldór Vilberg - Toyota Corolla
13) Kristján V. Þórmarsson - MMC Pajero
14) Ásta Hrönn Ingvarsdóttir - MMC Pajero

Mynd - Valdi á flugi í Suðurnesjaralli fyrr í sumar.