Stuart Jones og Ísak sigruðu Rallý Reykjavík

30. Alþjóðarallinu lauk í gær í blíðskaparveðri. Bretinn Stuart Jones og Ísak sigruðu rallið með töluverðum yfirburðum. Þetta er í fyrsta skipti 17.ár sem útlendingur vinnur Alþjóðarallið, Finninn Saku Vierimaa var síðasti sem vann þetta rall árið 1992 og þá ók hann Lancia Delta en hann sigraði líka Alþjóðarallið 1985.

Stuart og Ísak óku vel allt rallið og gerðu engin mistök, þeir voru samt í vandræðum með bílinn um miðbik rallsins. Stuart er hraðasti útlendur sem hefur komið hingað til lands, Ísak á samt stóran þátt í þessum sigri, Ísak er ríkjandi Íslandsmeistari og hefur unnið marga sigra í gegnum árin. Þeir félagar sigruðu 16. sérleiðar af 23 sem voru keyrðar. Þetta er fimmta árið í röð sem MMC Lancer sigrar Rallý Reykjavík.

Jón Bjarni og Sæmundur lentu í 2.sæti eftir mikið bras stóran part af rallinu. Þetta er fyrsta keppnin í ár sem þeir félagar ná ekki sigri en með þessum úrslitum er Jón Bjarni orðin meistari, Sæmi þarf að bíða aðeins. Hjá aðstoðarökumönnum er Sæmi með 40.stig og Ísak með 20,5 og það eru 20.stig eftir í pottinum, undirritaður veit ekki til þess að Ísak mæti í fleiri keppnir og því er Sæmi líklega orðin meistari EN ekki orðin öruggur.

Jóhannes og Björgvin tóku 3.sætið og var það vel af sér vikið hjá þeim. Þetta er besti árangur þeirra á þessum bíl. Þessi bifreið á samt að fara mikið hraðar yfir!. Ófarir annarra gerðu það að verkum að þeir náðu þessu sæti, besti árangur þeirra á sérleið í rallinu var 3.besti og það var aðeins þrisvar sinnum sem þeir náðu því.

Bræðurnir Fylkir og Elvar lentu í 4.sæti. Þeir bræður voru í 3.sæti eftir fyrsta dag, áföll á degi 2 gerðu það að verkum að þeir voru komnir niðrí 5.sæti. Þeir ætluðu sér aftur uppí 3.sætið en það voru rúmar tvær mínútur þangað, þeir reyndu allt sitt og voru að taka góða tíma. Þegar rallinu lauk voru þeir ekki nema 40.sekúndum á eftir 3.sæti en engu að síður hetjuleg barátta, þetta er stór finn árangur hjá þeim, þetta er þriðja árið í röð sem þeir klára Alþjóðarallið í topp 4, það sannaðist sem undirritaður sagði fyrir rallið að þeir myndu klára ofarlega.

Mick Jones og Daníel enduðu í 5.sæti en Mick er faðir Stuart sem sigraði rallið. Þeir voru að aka flott í þessu ralli og taka fína tíma, refsingar gerðu það að virkum að þeir náðu ekki 3.sætinu. Eins og flestir vita er Danni ekki mikil cóari heldur ökumaður í rallinu, þeir voru ekki með leiðarnótur og því flottur árangur hjá þeim að ná 5.sæti.

Hilmar og Eyjólfur sigruðu 1600 og 2000 flokkin og enduðu jafnframt í 7.sæti í heildarkeppninni. Það er ótrúlegt hvað Himmi kemur þessari Hondu áfram, Hondan er langt frá því að vera sterkasti bíllinn í rallinu. Þeir keyrðu mjög vel og voru vel af því komnir að sigra þessa tvo flokka. Þeir gáfu ekkert eftir í slagnum við feðgana Hlöðver og Baldur um sigur í 2000 flokkunum en þessar tvær áhafnir voru í slag allt rallið. Himmi hefur ekki enn tryggt sér titilinn í 2000 flokki, en er í góðri stöðu þegar tvö mót eru eftir.

Feðgarnir Hlöðver og Baldur lentu í 2.sæti í 2000 flokknum. Hlölli er að byrja aftur í rallinu eftir nokkra ára hlé. Núna er Baldur sonur hans komin í hægra sætið en undirritaður var cóari hjá Hlölla á sínum tíma. Baldur er yngsti keppandinn í ralli frá upphafi. Þeir feðgar óku af skynsemi í þessu ralli en tóku vel á því af og til. Strákurinn var að standa sig geysilega vel í hægra sætinu og var með þetta allt á hreinu. Þeir enduðu í 8.sæti í heildarkeppninni og voru ekki nema 10.sekúndum á eftir Himma og Eyjólfi eftir 3.daga rallý.

Eyjólfur og Baldur sigruðu jeppaflokkinn örugglega, þrátt fyrir að hafa sprengt tvö dekk í rallinu og þurft að skipta inná leið. þeir tóku flotta tíma og t.d. á Kaldadal á degi tvö voru þeir með 3.besta tíman og svo lengi mætti telja.

Guðmundur Orri og Hörður lentu í 3.sæti í Jeppaflokknum. Eftir þessu úrslit er ljóst að baráttan um Íslandsmeistaratitilinn í Jeppaflokki verður harður. Ásta og Tinna leið áfram flokkinn en núna munar ekki nema 2.stigum á þeim og Gumma og Herði.

Sá maður sem bætti sig mest í þessu ralli. Var Aðalsteinn á MMC Lancer. Heimir settist í hægra sætið hjá honum. Þeir félagar óku mjög vel fyrstu tvo dagana, svo neitaði bíllinn að fara lengra á fyrstu leið á degi 3, eitthvað í drifbúnaði brotnaði og þeir loku því miður keppni. Eins og áður sagði var Aðalsteinn að bæta sína tíma verulega í þessari keppni, t.d. á kleifarvatni bætti hann sig um 21.sekúnduog á Uxahryggjum bætti hann sig um 31.sekúndu og á Tröllháls um 30.sekúndur, svona var bætingin á flestum leiðum. Þeir voru í 6.sæti þegar þeir féllu úr leik.

Nánari úrslit inná www.rallyreykjavik.net . SVO er ekki komnar nema 427 myndir frá rallinu í albúmið sem Elvar hefur sett inn, virkilega flottar myndir hjá kallinum! myndir hér http://www.ehrally.blog.is/album .

Áfram Rallý

Kveðja / Dóri.