Hilmar og Stefán hafa forustu eftir fyrsta dag

Hilmar og Stefán á MMC Lancer Evo 5 hafa forustu eftir fyrri dag í Suðurnesjarallinu. Þeir hafa ekið mjög vel og hratt.  Þessi akstur skilar þeim í fyrsta sæti eftir daginn, ekki er nema eina sekúndu í  Jón Bjarna og Borgar á Subaru Imprezu STi en Þeir hafa keyrt lista vel. 

Þessir tveir bílar hafa ekið hraðast til þessa en Pétur og Björn á MMC Lancer Evo 6 voru einnig í slag en þeir urðu frá að hverfa á næst síðustu leið dagsins, eftir að hafa farið útaf.  Aðalsteinn og Heimir eru í 3 sæti 31 sekúndu á eftir Hilmari og Stefáni.  Aðalsteinn og Heimir hafa verið í miklu basli með gírkassann allar leiðarnar en hann er að detta mikið úr gírum, engu að síður eru þeir í 3 sæti. Bræðurnir Fylkir og Elvar eru í 4 sæti 35 sekúndum á eftir fyrsta.  Þeir villtust á fyrstu leið og töpuðu tíma á því og verða væntanlega grimmir á morgun.

Í eindrifsflokknum hafa Óskar og Valtýr keyrt vel og er í forustu, þeir aka Peugeot 306 s16. Næstir á eftir þeim í flokknum eru feðgarnir Hlöðver og Baldur 25 sek á eftir Óskari og Valtý.

Kristinn og Gunnar leiða jeppaflokkinn með 20 sekúndur á næstu menn.

Marian og Jón Þór voru mjög tæpir á að taka stóra krassið hér, en sem betur fer reddaðist það. Margir bílar voru MJÖG tæpir á þessu beina kafla sem var með kviltum í en þetta var leið um Ökugerði. Einar og

Símon á

Audi Quattro S2 urðu frá að hverfa á síðustu leið kvöldsins en undirritaður veit því miður ekki hvað kom fyrir hjá þeim. Mjög leiðinlegt að missa þá út en þetta eru nýliðar sem eru að aka geysilega vel.

Stefnir í rosalega keppni á morgun um öll sæti . Upplýsinar um tíma og annað inná www.aifs.is .

Myndir: Þórður Bragason.

Suðurnesjarallið byrjar í dag kl: 18:00

Suðurnesjarallið hefst í dag kl: 18:00. Nokkrar skemmtilegar leiðir verða í kvöld. Mæli með Keflavíkurhöfn en þar aka bílarnir tvær ferðir, fyrsti bíll af stað í fyrri ferð kl: 20:00.  Rásröð hér http://aifs.is/rally-2010/106 . ALLAR upplýsingar um rallið inná www.aifs.is .

 

Bestu tímar á sérleiðum til þessa

Ein keppni er búin á Íslandsmótinu í rallakstri og voru 12 sérleiðar eknar. Aðeins þrjár áhafnir sigruðu leiðarnar 12 og það kom undirrituðum pínu á óvart.

Pétur og Halldór á MMC Lancer Evo 6 sigruðu fyrstu leið Íslandsmótsins en síðan ekki söguna meir, því mótorinn gaf sig á í byrjun leiðar 2.  Eftir það skiptust Jón Bjarni og Borgar á Subaru Imprezu WRX STi og hinsvegar Aðalsteinn og Heimir á MMC Lancer Evo X um að sigra leiðarnar.

Hér að neðan má sjá tvo bestu tíma á hverri leið.

SS1 Hengill
1. 02:59 Pétur / Halldór
2. 03:01 Jón Bjarni / Borgar

SS 2 Lyngdalsheiði
1. 06:52 Jón Bjarni / Borgar
2. 07:21 Hilmar B / Sigurður Sören              

SS 3 Lyngdalsheiði
1. 07:07 Jón Bjarni / Borgar
2. 07:26 Fylkir / Elvar

SS 4 Bolabás

1. 03:07 Aðalsteinn / Heimir
2. 03:09 Jón Bjarni / Borgar

SS 5 Tröllháls
1. 04:05 Jón Bjarni / Borgar
2. 04:14 Aðalsteinn / Heimir

SS 6 Uxahryggir
1. 05:02 Aðalsteinn / Heimir
2. 05:05 Hilmar / Sigurður

SS 7 Uxahryggir
1. 04:37 Jón Bjarni / Borgar
2. 04:54 Aðalsteinn / Heimir

SS 8 Tröllháls
1. 04:08 Aðalsteinn / Heimir                            
2. 04:13 Fylkir / Elvar

SS 9 Uxahryggir
1. 04:49 Jón Bjarni / Borgar
2. 04:52 Aðalsteinn / Heimir

SS 10 Uxahryggir
1. 04:48 Jón Bjarni / Borgar
2. 04:51 Aðalsteinn / Heimir

SS 11 Bolabás
1. 03:05 Aðalsteinn / Heimir
2. 03:07 Hilmar / Sigurður

SS 12 Hengill
1. 03:06 Aðalsteinn / Heimir
2. 03:15 Marían / Jón Þór

Jón Bjarni og Borgar 6 sérleiðasigrar og 2 annar besti.

Aðalsteinn og Heimir 5 sérleiðasigrar og 4 annar besti.

Pétur og Halldór einn sérleiðasigur og urðu svo frá að hverfa á leið 2.

Eins og sést á þessum tímum er ljóst að Jón Bjarni og Borgar og Aðalsteinn og Heimir hafa verið í töluverðum sérflokki í fyrsta rallinu. Nú er bara spurning hvað gerist á Suðurnesjum um næstu helgi, því það eru nokkrir bílar í viðbót sem eiga að ná betri tímum.  Upplýsingar um næsta rall inná www.aifs.is

Myndir: JAK, svo Sæmundur http://album.123.is/Default.aspx?aid=180095 .

Suðurnesjarallið dagana 11/12 júní

Önnur umferðin á Íslandsmótinu í ralli fer fram eftir 8 daga en þá verður verður Suðurnesjarallið svo kallaða ekið.  Rallið fer fram á föstudegi og laugardegi.  

Akstursíþróttafélag Suðurnesja (AÍFS) heldur þessa keppni og það er verulega gaman að sjá hvað þeir leggja mikið í þessa keppni.  Þeir tóku starfi sitt hressilega í gegn í vetur og það ber að hrósa þeim fyrir það! . Þeir opnuðu einnig stórglæsilega heimasíðu www.aifs.is og eru mjög virkir á henni.

Nokkrar nýjar leiðir verða eknar og allar mjög áhorfendavænar en líklega vinnst rallið og tapast á Djúpavatninu skemmtilega.  Skráning er enn í fullum gangi,  svo það er ekki vitað þegar þetta er skrifað hversu margir bílar mæta, það verða samt fleiri en í fyrsta mótinu en þá voru 14 bílar sem hófu leik en 10 kláruðu. 

Það er ljóst að að slagurinn í þessari keppni verður harður, ef tekið er mið á síðustu keppni. Líklegir til að berjast um sigur eru Jón Bjarni og Borgar, Aðalsteinn og Heimir og hinsvegar Hilmar og Stefán.

Tímamaster keppninnar er komin - hægt að sjá hann hér http://www.aifs.is/skjol/aifsmaster2010.pdf .

Allar upplýsingar um keppnina inná www.aifs.is .

ÁFRAM RALLÝ.

Video frá vorrallinu

Fyrsta umferðin á Íslandsmótinu í ralli fór fram á dögunum. Hér að neðan má sjá tvö mjög flott video frá Elvari Snilla!.

Samantekt frá rallinu

Alli og Heimir

Öruggur og góður akstur skilaði Danna og Ástu í 7 sæti

3. umferðin af 6 í bresku meistarakeppninni fór fram um helgina. Daníel og Ásta Sigurðarbörn tóku þátt en keppnin fór fram í Skotlandi og ekið var malbiki.  Alls óku þau rúmlega 200 km á sérleiðum. Það var auðvita ekki að spyrja að þeim systkinum að þau stóðu sig með stakri prýði og urðu landi og þjóð til mikils sóma eins og þeim er von og vísa! .

Þau keyrðu rallið af miklu öruggi en samt hratt því Danni er ekki þekktur fyrir það að dóla í rallakstri.  Þau enduðu keppnina í 7 sæti sem er mjög góður árangur.   Gwyndaf Evans liðsfélagi Danna og Ástu sigraði rallið en hann ekur samskonarbíl.  Lið þeirra sem heitir JRM hefur forustu í liðakeppninni og eru Íslendingar stoltir að eiga stóran þátt í að liðið leiði stigakeppnina.  Spennan hjá ökumönnum er geysilega hörð og ekki munar nema 9 stigum á 1 og 6 sæti eftir þrjár keppnir. Daníel og Ásta eru í 4 til 5 sæti með 38 stig.

Það er gleðilegt að segja frá því að þau systkini fengu verðlaun sem fólk rallsins efir keppnina í gær og óskar undirritaður þeim hjartanlega til hamingju með það .  Næsta keppni fer fram 9 til 10 Júlí.

Mynd: Danni og Ásta á ferð um helgina, mynd fengi af láni af facebook hans Danna.

Fyrsta ralli sumarsins lokið

Fyrsta umferðin á Íslandsmótinu í rallakstri fór fram á laugardaginn var í nágrenni Þingvalla. 14 áhafnir hófu keppni en 10 luku leik. Rallið fór fram í blíðskapar veðri og töluvert af áhorfendum mættu á inná leiðarnar sem er ánægjulegt . 

Slagurinn um fyrsta sætið var enginn nema á fyrstu leið. Pétur og Halldór tóku forustuna á leið 1 en urðu frá að hverfa á sérleið númer 2 með bilaðan mótor, eftir það voru Jón Bjarni og Borgar í fyrsta sætið og létu það sæti ekki af hendi það sem eftir lifði ralls þó þeim hafi verið ógnað á nokkrum leiðum.  Hilmar og Sigurður gerðu vel og lentu í 2 sæti. Þeir náðu þrisvar sinnum 2 besta og keyrðu rallið öruggt. Flott hjá Himma að landa 2 sæti í sínu fyrstu keppni á alvöru bíl!.

Aðalsteinn og Heimir lendu í 3 sæti þrátt fyrir refsingar og smá bilanir sem komu upp. Þetta er frábær árangur hjá .þeim( www.xrally.is ). Þeir fengu bílinn ekki afhentan úr tolli fyrr en tveim dögum fyrir rall og náðu því ekkert að prufakeyra bílinn fyrir keppnina. Þeir sigruðu 5 sérleiðar af 12 og stungu þeir uppí ansi margar raddir því margir voru ekki búnir að spá þeim góðu gengi en það var nú öðru nær!.

Feðgarnir Hlöðver og Baldur óku mjög vel og lendu í 6 sæti þrátt fyrir að vera á 25 ára gamalli Corollu og aðeins með 1600 mótor. Þeir voru í miklum slaga við bræðurna Þorstein Pál og Ragnar sem óku nýjum bíl í rallinu en þeir aka í nýjum flokki sem heitir Non-turbo, sá flokkur verður áhugaverður en aðeins tveir bílar voru í flokknum í þessu ralli. Ásta og Eva voru hin áhöfnin í nýja flokknum og alltaf gaman að sjá Ástu þeytast um rallývegina. Eva var að taka þátt í sinni fyrstu rallkeppni. Þær lentu í 10 sæti í rallinu.

Aðeins voru tveir jeppar í þessu ralli en þessi flokkur var mjög fjölmennur í fyrra. Vonandi mæta fleiri í þennan flokk í sumar því þessi flokkur er mjög skemmtilegur og alltaf mikill slagur milli manna. Sighvatur og Andrés leiddu slaginn milli jeppanna en þeir luku leik leið 8 með bilaðan gírkassa. Baldur og Elísa unnu því flokkinn en Baldur er efnilegur ökumaður og verðum gaman að fylgjast með honum á næstu árum.   Einar Sigurðsson og Símon Grétar Rúnarsson óku Audi Quattro en þeir urðu því miður frá að hverfa á sérleið 2 með bilaðan mótor, þeir tóku mjög góðan tíma á 1 leið og voru þar með 4 besta tímann. Þessir strákar eru nýliðar í rallinu og það verður greinilega gaman að fylgjast með í sumar.

Næsta rall fram á Suðurnesjum 11 og 12 júní og væntanlega koma upplýsingar um þið inná www.aifs.is , flott síða hjá þeim suðurnesjamönnum.

Hér eru flotta myndir sem Gulli Briem tók http://gullibriem.123.is/album/default.aspx?aid=179672

Lokaúrslit í rallinu.

1. 54:38 Jón Bjarni og Borgar - Subaru Impreza WRX STi
2. 56:52 Hilmar og Sigurður - MMC Lancer Evo 5
3. 57:41 Aðalsteinn og Heimir - MMC Lancer Evo X
4. 57:43 Marían og Jón Þór - MMC Lancer Evo 8 
5. 57:49 Fylkir og Elvar - Subaru Impreza STi
6. 59:54 Hlöðver og Baldur - Toyota Corolla
7. 1:00:55 Þorsteinn Páll og Ragnar - Subaru Impreza
8. 1:01:45 Baldur og Elias - Jeep Grand Cherokee
9. 1:04:29 Sigurður Óli og Elsa Kristín - Toyota Celica
10. 1:07:48 Ásta og Eva - Subaru Impreza.

Myndir: Efri af Alla og Heimi á Uxahryggjum (ljósmyndari Gerða sæta). Neðri af Hlölla og Baldri í Rallý Reykjavík 2009(ljósmyndari Elvar snilli).

Vorrall BÍKR - rásröð og tímamaster

Vorrall BÍKR verður haldið laugardaginn 22 maí n.k.  Keppnin fer fram í nágrenni Þingvalla en hún hefst í Reykjavík með keppnisskoðun á morgun 19. maí kl: 17:00, keppnisskoðun fer fram við Fákafen 9 við hliðina á Hróa Hetti.

Alls verða eknar 12 sérleiðar og ökumenn munu keyra 111 km á sérleiðum. upplýsingar    hér http://darri.iccrc.is/123/Timamaster_vorrall_2010.pdf  um keppnina og hvenær leiðir loka.

13 bílar eru skráðir til leiks og hér að neðan er rásröð.

1. Jón Bjarni Hrólfsson AIFS - Borgar Ólafsson BÍKR - Subaru Impreza - N

2. Jóhannes V Gunnarsson BÍKR - Björgvin Benidiktsson BÍKR - MMC Lancer Evo VII - N

3. Fylkir A. Jónsson BÍKR - Elvar Jónsson BÍKR - Subaru Impreza - N

4. Hilmar B Þráinsson AÍH - Sigurður Sören Guðjónsson MMC Lancer Evo V - N

5. Aðalsteinn G Jóhannsson BÍKR - Heimir S. Jónsson BÍKR - MMC Lancer Evo X - N

6. Pétur S. Pétursson BÍKR - Halldór Gunnar Jónsson - MMC Lancer Evo VI - N

7. Marian Sigurðsson BÍKR - Jón Þór Jónsson BÍKR - MMC Lancer Evo VIII

8. Sigurður Óli Gunnarsson BÍKR - Elsa  Sigurðardóttir  BÍKR - Toyota Celica - N

9. Einar Sigurðson BÍKR - Símon Grétar Rúnarsson KK - Audi Quattro S2 - N

10. Hlöðver Baldursson BÍKR - Baldur Hlöðversson BÍKR - Toyota Corollla - Eindrif

11. Ásta Sigurðardóttir BÍKR -  BÍKR - Subaru Impreza - Non-turbo

12. Þorsteinn  Sverrisson BÍKR - Ragnar Sverrisson BÍKR - Subaru Impreza - Non-turbo 

13. Sighvatur Sigurðson BÍKR - Andrés F. Gíslason BÍKR - MMC Pajero Sport - J

6 dagar - höldum áfram að kynna áhafnir

Aðeins eru 6 dagar í að Íslandsmótið byrji hér á klakanum og spennan farin að magnast með hverjum degi núna.  Hægt er að sjá leiðarlýsinu  um rallið sem verður næstkomandi laugardag inná  www.bikr.is  

En núna höldum við áfram að kynna þá menn og bíla sem koma til með að vera í toppbaráttunni í sumar.  Þeir Jóhannes V. Gunnarson og Björgvin  Benediktsson mæta á MMC Lancer Evo 7 en þeir eru að hefja sitt þriðja tímabil á þessum bíl.  Þeir félagar náðu góðum árangri í fyrra og lentu í 2. sæti á Íslandsmótinu og er það besti árangur þeirra.  Eðlilega verður töluverð pressa á þeim, því auðvita er alltaf pressa á mönnum sem ná árangri, ekki skemmir fyrir að þeirra bíll er með þeim fljótari hér á landi.  Það verður gaman að sjá hvað þeir gera í sumar og hvort þeir nái að toppa árangurinn frá síðasta sumri.

Næstu menn eru bræðurnir Fylkir og Elvar Jónssynir en þeir mæta til leiks á sama bíl og undanfarin tvö tímabil.  Bíllinn Subaru Impreza STi og geysiöflugur sem er klárlega bíll sem getur gert tilkall sem Íslandsmeistarabíll árið 2010.

Að mati undirrituðum er þetta áhöfn sem menn gleyma soldið, ef þeir bræður mæta vel undirbúnir og með bílinn í lagi þá mun það fleyta þeim langt.  Þeir voru farnir að keyra hratt í fyrra og Fylkir virðist bæta sig sem ökumaður á hverju sumri og ef hann gerir það í sumar þá eru þeir líklegir til árangurs.

Annað kvöld  kemur svo síðasta kynningin af áhöfnum í toppbaráttunni og einnig keppnislisti yfir þeim keppendum sem taka þátt í fyrsta rallinu.

Myndir: Efri af Jóa og Björgvini í Rallý Reykjavík í fyrra og Fylkir og Elvar í sama ralli.

8 dagar - höldum áfram með kynningu á áhöfnum

Áfram höldum við að kynna til leiks þá bíla og menn sem munu vera í toppbaráttunni í sumar.

Aðalsteinn Gunnar Jóhannsson og Heimir Snær Jónsson mæta á MMC Lancer Evo X . Þeir félagar óku Lancer Evo 6 í fyrra en Aðalsteinn var þá að aka í fyrsta skipti í ralli, Heimir er hinsvegar með reyndari aðstoðarökumönnum landsins og einn sá besti.

Bíllinn hjá þeim er ekki enn komin til landsins þegar þetta er skrifað en von er á honum á næstu dögum.  Þetta er geysi öflugur bíll og það mun taka smá tíma fyrir þá að ná góðum tökum á honum, reyndar æfðu þeir sig á bílnum  í Noregi í Febrúar og það mun klárlega nýtast þeim í sumar.  Þeir hafa náð sér í allra bestu þjónustumenn landsins sem munu sjá til þess að bíllinn verði í toppstandi.  Það verður virkilega fróðlegt og gaman að fylgjast með þessu liði í sumar og á dögunum opnuðu þeir stórglæsilega heimasíðu www.xrally.is en liðið kallar sig einmitt X rallý keppnisliðið.

Næstu menn eru Marían Sigurðarson og Jón Þór Jónsson.

Þeir mæta til leiks á MMC Lancer Evo 8 í sumar og það verður gaman að fylgjast með þeim.  Þeir óku MMC Lancer Evo 5 sumarið 2008 með góðum árangri og enduðu þá í 6 sæti á Íslandsmótinu, voru á tíma í 2 sæti í mótinu en bíllinn fór að gefa eftir þegar leið á sumarið. Marían og Jón hafa mikla reynslu í rallinu og það mun klárlega nýtast þeim í sumar. Bíllinn gullfallegur og sá flottasti sem þeir vinir hafa mætt á.  Undirritaður þreytist seint á að hrósa mönnum fyrir útlitið á bílunum sem eru alltaf að verða fleiri og fleiri .

Á sunnudag munu birtast fleiri kynningar af mönnum í toppbaráttunni.

Ásta bleika sæta var í kastljósinu í kvöld. Virkilega flott viðtal við hana og kom rallinu vel á framfæri . Viðtalið á þessum link  http://dagskra.ruv.is/sjonvarpid/4472191/2010/05/14/2  .

Myndir:Efri er af nýja bílnum hjá Alla og Heimi í Noregi í Febrúar. Neðri af bíl Marra og Jónsa á Burnout sýningunni í Kauptúni á dögunum.